لا يوجد تعليقات
ليش بنخاف من كلام الناس؟
29-08-2026 12:41 AM
رم -
الكاتب : الدكتور عُدي تركي الفواعير
في أشياء كثيرة بحياتنا ما بنعملها لأننا مش مقتنعين فيها وما بنتركها لأننا ما بنحبها. بنتركها لسبب واحد فقط: شو رح يحكوا الناس؟
من وإحنا صغار ونحن نسمع هاي الجملة. الناس شو رح تقول؟ الجيران شو رح يحكوا؟ الأقارب شو رح يفكروا؟ حتى صارت كلمة الناس أحيانًا أقوى من رأينا بأنفسنا.
شاب بده يغير شغله وبخاف. مش لأنه ما بقدر لكن لأنه خايف الناس تقول عنه إنه فشل.
وبنت عندها قرار مختلف بحياتها وبتتردد. مش لأنها مش مقتنعة لكن لأنها خايفة من كلام الناس.
وواحد بده يشتري سيارة على قد وضعه وبروح يشتري سيارة أكبر من قدرته. ليش؟ عشان ما حدا يقول عنه إنه مش قادر.
وواحد راتبه بالكاد يكفيه لكن همه يبين أمام الناس إنه مرتاح. يمكن يستدين عشان مناسبة أو سفرة أو مظهر وبعدها يرجع على بيته ويبدأ يحسب كيف بده يدفع.
المشكلة مش في الناس. المشكلة في إننا أعطينا الناس مساحة أكبر من اللازم في حياتنا.
صرنا أحيانًا نعيش حتى نرضي أشخاصًا يمكن ما يسألوا عنا أصلًا. والأغرب إن الشخص الذي نخاف من رأيه اليوم ممكن بعد يومين ما يتذكر أصلًا شو عملنا.
لكن إحنا بنظل نفكر.
شو قالوا عني؟
شو فكروا فيي؟
شو رح يحكوا؟
وهكذا تمر السنوات والإنسان يكتشف أنه عاش جزءًا كبيرًا من حياته وهو يحاول أن يكون النسخة التي يريدها الآخرون وليس النسخة التي يريدها هو.
أكيد مش معنى الكلام إننا ما نهتم بكلام الناس. الإنسان لازم يسمع النصيحة ويحترم أهله ويحافظ على سمعته وصورته أمام المجتمع.
لكن في فرق كبير بين الاحترام وبين الخوف.
وفي فرق بين النصيحة وبين أن تصبح حياتك ملكًا للآخرين.
مش كل حكي لازم نرد عليه.
ومش كل رأي لازم نقنع صاحبه.
ومش كل شخص لازم يعرف تفاصيل حياتنا.
وفي النهاية الناس بتحكي.
إذا نجحت بحكوا.
وإذا فشلت بحكوا.
إذا تزوجت بحكوا.
وإذا ما تزوجت بحكوا.
إذا اشتريت بحكوا.
وإذا ما اشتريت بحكوا.
إذا سكتت بحكوا.
وإذا حكيت بحكوا.
فإذا كان كلام الناس مستمرًا في كل الأحوال ليش نخلي حياتنا متوقفة عليه؟
يمكن أهم قرار ممكن يأخذه الإنسان بحياته إنه يعرف متى يسمع ومتى يتجاهل ومتى يقول بكل هدوء: هذا رأيكم وهذه حياتي وأنا مسؤول عنها ولست مسؤولًا عن إرضاء الجميع.
والنصيحة اللي ممكن أتركها لكل شخص يقرأ هذا المقال هي:
لا تعيش عمرك وأنت تحاول تثبت للناس إنك ناجح.
ولا تشتري شيئًا لا تحتاجه حتى يقال عنك إنك قادر.
ولا تختار طريقًا لا تريده فقط حتى ترضي الآخرين.
اسمع النصيحة من الشخص الذي يحبك فعلًا وخذ منها ما ينفعك واترك ما لا يناسبك.
وخلي عندك شجاعة قوه إنك تقول لنفسك: أنا أعرف ظروفي أكثر من أي شخص آخر وأنا أعرف ماذا أريد وأعرف ماذا أستطيع.
وفي النهاية تذكر شيئاً بسيطاً جداً.
الناس رح تحكي يومين ويمكن أسبوع ويمكن شهر.
لكن أنت رح تعيش حياتك كل يوم.
فلا تجعل خوفك من كلام الناس يأخذ منك قراراتك وأحلامك وراحتك.
عيش حياتك باحترام وكرامة ووعي.
ولا تجعل حياتك مشروعاً لإرضاء الآخرين.
الكاتب : الدكتور عُدي تركي الفواعير
في أشياء كثيرة بحياتنا ما بنعملها لأننا مش مقتنعين فيها وما بنتركها لأننا ما بنحبها. بنتركها لسبب واحد فقط: شو رح يحكوا الناس؟
من وإحنا صغار ونحن نسمع هاي الجملة. الناس شو رح تقول؟ الجيران شو رح يحكوا؟ الأقارب شو رح يفكروا؟ حتى صارت كلمة الناس أحيانًا أقوى من رأينا بأنفسنا.
شاب بده يغير شغله وبخاف. مش لأنه ما بقدر لكن لأنه خايف الناس تقول عنه إنه فشل.
وبنت عندها قرار مختلف بحياتها وبتتردد. مش لأنها مش مقتنعة لكن لأنها خايفة من كلام الناس.
وواحد بده يشتري سيارة على قد وضعه وبروح يشتري سيارة أكبر من قدرته. ليش؟ عشان ما حدا يقول عنه إنه مش قادر.
وواحد راتبه بالكاد يكفيه لكن همه يبين أمام الناس إنه مرتاح. يمكن يستدين عشان مناسبة أو سفرة أو مظهر وبعدها يرجع على بيته ويبدأ يحسب كيف بده يدفع.
المشكلة مش في الناس. المشكلة في إننا أعطينا الناس مساحة أكبر من اللازم في حياتنا.
صرنا أحيانًا نعيش حتى نرضي أشخاصًا يمكن ما يسألوا عنا أصلًا. والأغرب إن الشخص الذي نخاف من رأيه اليوم ممكن بعد يومين ما يتذكر أصلًا شو عملنا.
لكن إحنا بنظل نفكر.
شو قالوا عني؟
شو فكروا فيي؟
شو رح يحكوا؟
وهكذا تمر السنوات والإنسان يكتشف أنه عاش جزءًا كبيرًا من حياته وهو يحاول أن يكون النسخة التي يريدها الآخرون وليس النسخة التي يريدها هو.
أكيد مش معنى الكلام إننا ما نهتم بكلام الناس. الإنسان لازم يسمع النصيحة ويحترم أهله ويحافظ على سمعته وصورته أمام المجتمع.
لكن في فرق كبير بين الاحترام وبين الخوف.
وفي فرق بين النصيحة وبين أن تصبح حياتك ملكًا للآخرين.
مش كل حكي لازم نرد عليه.
ومش كل رأي لازم نقنع صاحبه.
ومش كل شخص لازم يعرف تفاصيل حياتنا.
وفي النهاية الناس بتحكي.
إذا نجحت بحكوا.
وإذا فشلت بحكوا.
إذا تزوجت بحكوا.
وإذا ما تزوجت بحكوا.
إذا اشتريت بحكوا.
وإذا ما اشتريت بحكوا.
إذا سكتت بحكوا.
وإذا حكيت بحكوا.
فإذا كان كلام الناس مستمرًا في كل الأحوال ليش نخلي حياتنا متوقفة عليه؟
يمكن أهم قرار ممكن يأخذه الإنسان بحياته إنه يعرف متى يسمع ومتى يتجاهل ومتى يقول بكل هدوء: هذا رأيكم وهذه حياتي وأنا مسؤول عنها ولست مسؤولًا عن إرضاء الجميع.
والنصيحة اللي ممكن أتركها لكل شخص يقرأ هذا المقال هي:
لا تعيش عمرك وأنت تحاول تثبت للناس إنك ناجح.
ولا تشتري شيئًا لا تحتاجه حتى يقال عنك إنك قادر.
ولا تختار طريقًا لا تريده فقط حتى ترضي الآخرين.
اسمع النصيحة من الشخص الذي يحبك فعلًا وخذ منها ما ينفعك واترك ما لا يناسبك.
وخلي عندك شجاعة قوه إنك تقول لنفسك: أنا أعرف ظروفي أكثر من أي شخص آخر وأنا أعرف ماذا أريد وأعرف ماذا أستطيع.
وفي النهاية تذكر شيئاً بسيطاً جداً.
الناس رح تحكي يومين ويمكن أسبوع ويمكن شهر.
لكن أنت رح تعيش حياتك كل يوم.
فلا تجعل خوفك من كلام الناس يأخذ منك قراراتك وأحلامك وراحتك.
عيش حياتك باحترام وكرامة ووعي.
ولا تجعل حياتك مشروعاً لإرضاء الآخرين.
عدد المشاهدات : (3929)
تعليقات القراء
أكتب تعليقا
الرد على تعليق |
لن ينشر أي تعليق يتضمن اسماء اية شخصية او يتناول اثارة للنعرات الطائفية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار وكالة رم للأنباء - أخبار عاجلة، آخر الأخبار، صور وفيدوهات للحدث. علما ان التعليقات تعبر عن راي اصحابها فقط.
|
|
| الاسم : | |
| البريد الالكتروني : | |
| التعليق : | |
الرجاء الانتظار ...