رم - نشرت الفنانة المصرية لقاء الخميسي مقطع فيديو عبر "إنستغرام"، يتضمن لقطات لها برفقة زوجها حارس المرمى السابق لنادي الزمالك محمد عبد المنصف وأبنائهما، مع رسالة مؤثرة، توضح فيها مسامحتها له، بعد واقعة زواجه بفنانة أخرى.
جاء في الرسالة: "الدنيا بتختبرنا دايمًا وأبدًا ، أيام بتسعدنا وأيام يتبعدنا وتزعلنا وتجرحنا، وبنتوه مع نفسنا، الحكمة بتظهر من قلب الحزن، وبنقعد نفكر إيه الصح وإيه الغلط وهل اللي عدينا بيه شر ولا خير".
وأكملت: "ومع الوقت، ولما النفس تهدى والعقل يفكر والقلب يدق، بنكتشف إن كلنا ينغلط وبنتوه شوية في وسط الزحمة، فيه ناس بتغلط وتكمل في الغلط ! وفيه ناس بتغلط و بترجع لحكمتها وبتندم وتصحح الخطأ".
وأوضحت: "خير الخطائين التوابين، ما فيش حد ما بيغلطش، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح، شكرًا من قلبي لكل إنسان دعمني ووقف جنبي وطبطب عليا، وشكرا لكل أصدقائي المقربين اللي وفقوا جنبي وكل من دعمني من أصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة".
مضيفة: "آخر حاجة هاقولها، أسهل حاجة في الدنيا هدم البيوت العمرانة، وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام، ولكل ست وربة منزل حافظي على بيتك وعيلتك بكل قواكِ، وإوعي تدي الفرصة لأي إنسان إنه يهدم بيت العيلة".

عدد المشاهدات : (4337)