رم - أبدت الفنانة آمال ماهر رأيها في الجدل المثار حول الألقاب الفنية، خاصة لقب "صوت مصر"، مؤكدة أنها لا تُعير تلك التسميات اهتماماً كبيراً، وترى أن الجمهور هو الجهة الوحيدة المخوّلة بمنح الألقاب.

وخلال حوارها في برنامج "أجمد 7" مع الإعلامية جيهان عبد الله، قالت آمال ماهر: "مش بحب أتكلم في حكاية مين رقم واحد أو مين صوت مصر، لأنه ببساطة كل شخص ليه ذوقه. ممكن أكون رقم واحد عند شخص، وممكن أكون ماعنيش له أي حاجة عند شخص تاني. فإزاي أقرر أنا بنفسي إن أنا رقم واحد؟"

وأضافت: "الناس هي اللي بتختار وبتقرر مكانك، والجمهور هو اللي بيدي الفنان اللقب. أنا فخورة باسمي، وكفاية إن الناس تعرفني وتحبني. اللقب بيكون انعكاس لمحبة الناس، وده شرف كبير، بس مش أنا اللي أختاره".

وعن الألقاب التي أطلقها عليها جمهورها، كشفت آمال ماهر: "اتقالتلي ألقاب كتير، وممكن ما أفتكرهاش كلها، لكن أنا بحب اسم آمال ماهر. لما الناس تقول 'أميرة القلوب'، يبقى كده كفاية.. إيه ممكن أحتاج أكتر من كده؟"

يُذكر أن آمال ماهر أطلقت مؤخرًا ألبومها الجديد بعنوان "حاجة غير"، والذي يضم 10 أغنيات تعاونت خلالها مع نخبة من الشعراء والملحنين، من بينها: "يا جبروتك"، "خبر عاجل"، "لو لينا عمر"، و"مضمونة".

عدد المشاهدات : (5066)