الدكتور خالد عبدالله العوامله

امتحان الرياضيات اليوم كان صعب جدًا، باعتراف كبار أساتذة المادة في الأردن. الصياغة التعجيزية مش بس فوق مستوى الطالب، بل كأنها وضعت بقصد ترسيب أكبر عدد ممكن من الطلاب!

الأخطر من هيك: تسريب الامتحان خلال انعقاده!

تخيل طالب قاعد بالقاعة عم بيحل، وفي طلاب غيره واصلهم الامتحان على تليغرام أو صفحات الغش! وين العدالة؟ وين النزاهة؟ وين الاحترافية اللي بتحكي عنها الوزارة كل سنة؟

اليوم و على غير العادة ، ما في تصريح رسمي من وزارة التربية ينفي أو يوضح التسريب… والناس كلها تسأل: شو اللي صار؟ وليش السكوت؟

إحنا مش عم نطالب فقط برحيل وزير أو محاسبة موظف، إحنا بنطالب بـ:
تشكيل لجنة تربوية وطنية مستقلة تدير ما تبقى من امتحانات.
رفع يد الوزارة مؤقتًا عن ملف التوجيهي.
تحويل واضعي الامتحان وكل من له علاقة بالمتابعة والإشراف إلى لجنة تحقيق نيابية مستقلة.

مستقبل أولادنا مش حقل تجارب!
كفى عبثًا بأعصاب الطلبة وأهاليهم!