رم - اسمه الاول على وزن افعل ، ما بهدي و لا بوخذ ولا بعطي اذا عصب او ثار وإنفعل ، و قراراته مرة على مهل و مرة على عجل ومرات الى اجل ، .. ،
ترك اجياله وعنها إنفصل . و مع الجيل الخامس للرابع وصل
صدق من قال ... كراسي الحكومة مالها حل ، تبعد المحبوب عن المرغوب . و تنسيك بعض الرفقة و الخل ،

وزارته من اهم الوزارات ، بدها سياسة مجبولة بدبلوماسية . و بدها فراسة مع مهارات ،
بدها خبرة و حداثة بالاقتصاديات ، و بدها دراسة خارج الكراسه و تأني بالقرارات .
بدها موازنة و إعتدال مع رسم السياسات،
لكن المفاجأة ،تصادم مع اصحاب العلاقة و الشركات ، و لا يدري عن الجايات .. مع ايام مبحرات ، إن كانت مضرات او مسرات


يوم عن يوم بنتظر بالتالي، و ناسي مشكلة المواطن و ما يعاني .. أرقام ورسوم فلكية ، و ضرايب بالعالي ، و اجوبتة على الورق غير الارتجالي ،
ومن بعد عشرة عمر ، ترك حبايبه والغوالي اللي اكل معاهم كوسا وورق دوالي ، و نزل معاهم بصدامات ، بعد ما صار من اصحاب المعالي .

وجهه مدور ، سبحان من صور ، وقميصه كم محير ، و ما بتعرف هو مسير و الا مخير ، وصار من حصة الحكومة و عشان هيك تغير ،

عدد المشاهدات : (11986)