رم - أحدثت الفنانة المصرية ميار الببلاوي جدل كبير بعدما كشفت عن كواليس المشاهد الجريئة التي صورتها مع الفنان عمرو عبد الجليل في فيلم ديسكو ديسكو.

و قالت الببلاوي خلال استضافتها في برنامج "قعدة ستات" مع الإعلامية مروة صبري: "الفيلم كله معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده و زعقتلي وقالتلي امشي البسي المايوه الثاني".

و أضافت" لكن مشهدي الجرئ مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنيه بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت".

و تابعت" لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني".

و استكملت حديثها قائلة عن نجلاء فتحي: "يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟ قالتلى كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان".

عدد المشاهدات : (9885)