روى المطرب أحمد سعد موقف مؤثر تعرض له أثناء إحياء أحد حفلات الزفاف، عبر حسابه بموقع التواصل الاجتماعي أنستجرام.

وقال سعد: " كنت بغني في فرح ولكن الفرح كان مليء بالبكاء بدأت بأغنية (كل يوم )والناس مبسوطة وبعدها بغني أغنية (بحبك ياصاحب ) قامو الناس جريوا عليا بسرعة وقالوا لي لأ ماتغنيش أغنيهة بحبك ياصحبي".

وتابع:"ماتغنيش بحبك ياصاحبي ! مافهمتش في ايه ؟! فماغنتش (بحبك ياصاحبي) والعروسه قامت بتعيط وجريت بعيد عن الفرح"

وتابع أحمد سعد: "فغنيت أغنيه تانيه قامت العروسه قامت تاني وعيطت وسابت الفرح ! مكنتش فاهم في ايه ؟! طب أغني ايه ؟! المعازيم قالولي معلش لان هي بتحب ابوها جدا وابوها كان بيحبك حب غير عادي وانت بالنسبه له اهم حد وكل الاغاني بتاعتك لها ذكريات مع ابوها".

واستكمل:"وهي كانت بتغنيله (بحبك ياصاحبي) لو هو موجود دلوقتي كان اول حد هايجيبه يغني في الفرح كان هايكون انت، ومش العروسة هي اللي جابتني الفرح."

وأضاف قائلًا:"العروسة في الفرح طول الوقت تبصلي وتفتكر ابوها وتعيط"

اختتم سعد حديثه قائلًا:"العروسة دي علمتني يعني ايه بنت بتحب ابوها وان الحب ده قد ايه حقيقي وصادق ونقي وان الاب ده كان راجل طيب و أب حنين علشان يتغناله من بنته بحبك ياصاحبي الله يرحمه".