ناقص هزيمات: فيه عندي ثلاث أسئلة حارقات مُخّي.أبو المفاهيم: شو هن ..احكيلي إيّاهن.ناقص هزيمات: خايف ما تعرف تجاوبهن.أبو المفاهيم: بجرّب حظّي.ناقص هزيمات: أوكيه ..ليش الحكومة جاية رايحة ..مًشْ رايحة جاية ؟.أبو المفاهيم:يجوز عشان شدفاويّة ؟؟.ناقص هزيمات: وَلَكْ لأ ..عشان إللي بيجي وبيروح بيكون ضيف ..والحكومة دايماً ضيفة عَ الشعب.أبو المفاهيم: شو السؤال الثاني ..؟؟.ناقص هزيمات: ليش الحكومة لمّا تيجي وتروح ما بتطوًّل ؟؟.أبو المفاهيم: يمكن مستعجلة ..،،.ناقص هزيمات: ولَكْ لأ ...لأنها ضيفة ..والضيف إنت عارف ما بطوّل.أبو المفاهيم: طيب السؤال الثالث شو هو ..؟؟.ناقص هزيمات: أيْ ما عرفت تجاوب ولا سؤال ..خلص بكفّي.أبو المفاهيم: لا بالله عليك ..أوعدك أجاوب صح.ناقص هزيمات: طيّب ماشي..ليش الحكومة حاملة سيف ..؟.أبو المفاهيم: هاي سهلة.ناقص هزيمات: طيّب وريني شطارتك.أبو المفاهيم: لأنها ضيفة ..والحكومة ضيف و الضيف دايماً حامل سيف.ناقص هزيمات:ولك برضو لأ ..،،.أبو المفاهيم: طيّب ليش ..؟ قول يا ابو التفانين.ناقص هزيمات: عشان لمّا تروّح محملة مزمّلة.. في الطريق ما حد يعترظ طريقها...ههههههههههه.أبو المفاهيم : يخرب مطنّك مَطنّ..والله لازم الحكومة تحطك غمد لسيفها ..،، ...

[email protected]