مبروك للوزرا والنواب رفع رواتبهم ابعث تحية لرم لصخر وشادي واولاد العم بهالزمن اللي صار كله هم وغم واصبح الضمير مفقود والصاحب والخال وابن العم والتاجر ببيع وبشتري بالناس وباكلهم وبالدم وتاجر بطعميهم الغصة والمرض والسم اوحكومة نايمه بتسال مين شتم ومين اللي ذم وبتراضي اللي زعل واللي مش مهتم اخ يابلد شو صار وشو جرى وكل مافتحت ثمي بقولو اسكت وكل ...

احنا شعب ناكر الجميل امبارح سمعت خبر اعجبني كثير ووقفت عنده ساعات يابلاش راتب الوزير والنائب والعين توحدت وصار ثلاثة الاف دينار لكل واحد من وزير ونائب وعين والغلابى ذبحهم الدين مسكين دولة الرئيس صارله مدة لابنام ولا بستريح وماراح من باله وزرا عمان ولا الصريح بفكر كيف يرضي النواب والاعيان ويوحد علاواتهم سيان والشعب بصرخ عالابواب وبفكر من اين سيجد مصدر التمويل وانت ياشعب مش حاسس بيه ولابهمه مسكين دولة الرئيس الله يزيل عنه غمه مش داري ياشعب فيه ولا بالهم اللي انصاب فيه وبتظل تشكي وتحكي مش فالح غير بالانتقادات والمسيرات والمظاهرات والزمر والتطبيل وبالصالوناتوبقصة ابريق الزيت رؤسا الجامعات والزياده مالها السبعة بالميه على الراتب الاساسي الله يمد بعمر دولته والله دولته صبر عليك وباله طويل شو بدك تحط راسك براس النائب والوزير احمد ربك ياشعب وبطل تهويل اسال نفسك بتوكل لحم وسمك وجاج وبتشرب زيت النخيل وبتظل تقول تعبان وعليل صوم جرب تصوم انت وعيالك بالشهر ثلاثين يوم وشوف صحتك كيف بتصير ولاتنسى لما بتسمع انه وزير زاير القريه تركض تستدين وتبيع كل اللي حيلتك واجب الضيف ياشهم وبلكي بتذكرك بتغيير او تعديل ياحكومتنا السنية بقولو بعد اربع تشر بتودعي وناس بتمنوا العمر كله تبقي وانا ماعندي شي اقوله ياحكومتنا السنية ياذات الطلعة البهية الا التمني تعرفي شو بتممنى اني مااصف على طابور الخبز والكاز ولا الحق سياره الغاز ولا يطالبني صاحب البيت بالاجارولايطلب مني ابني الجواز ونفسي دولة الرئيس يجاوبني حتى لو استعان بواحد من الوزارة او من شباب الحارة دولته بعرف انه في لحمة مصابة بالسل ولحمة بتنلم من الحاويات وبتنباع للمساكين بسيارات بتطوف عالعمارات لارقابة ولاصحة ولابلديات وانه الرز والسكر والسمنة والعدس والزيت رجع سعرهم مثل ماكان وان الغاز رجع وظل الكاز على حاله من زمان وانه البرغل والسميد مفقود والفقير ياهنياله وياحزيرتك وين بنباع الخبيزة والخردله والعلت ومين اللي بهش وبنش ومين بحلم يجوز البنت ويسوي عزييمه لاولاده ويشتري كتب اولاده ويدفع اجرة البيت ويطعم عياله ويشتري قنينه زيت اكيد مابتعرف بهذا كله وبتظل ياشعب ناكر للجميل وبتظل تقول بدنا مسيرات واضراب والله عيب انا بطلت امشي معك الحمد لله السبع ليرات وصلت ونائبنا ارتفع راتبه لثلاثة الاف والفلاح بطالب بتنزيل سعلا البذار والاعلاف مين انت يامشرشح ولانك ماراح تبطل الاضرابات والاحتجاجات وتتهم النواب وتوقف عباب الديوان والوزارات وتحلم تسكن عمارات مثهم وتركب طيارات حل عني وروح والاضراب مش مسموح وبالسر لاتبوح التابعين للضمان مااعطوهم الزيادة والديون والمطالب مدادة واللي مصوا دم الشعب وباعوا حالهم عمره مراح يستريح بالهم انا ماعاد امشي معك حتى لو صرت زيك شحاد واولادي العتاق والاجداد مالاقو كتب ولادفاتر ولارسوم جامعه بعدد مارفعوها ولارسوم المدارس وحتى لو صرت حايس والوزرا والنواب اجالس وبدي اصرخ واقول مبروك للوزرا مبروك للنواب وبتستاهل ياموظف الضمان حتى الزيادة مااجتك وبتستاهل يالمواطن الغاز والكاز والرز والسكر والعدس المجروش حتى الدخان وعلبة السردين وبتستاهل اتظلك بالدين وتستنى سنين تاتيجي وزارة وتعطيك عشره بالميةعلى الاساسي وبتستاهل هاي الحالة يغلوها عليك بتستاهل تصير تشتهي التفاح بتستاهل لحم البقر المسلول وبتستاهل تبكي بين الحقول وتظل على صحن الحمصو الفول لان الاسعار صارت شماعة تحكي فيها الحكومة والجماعة ولو زادت الرواتب بتكتوي بنار الاسعار ولو ظليت مثل ماانت الدار بتولع نار ياحكومتنا السنية انا طول عمري ساكت وياما وقفت على ديوان الساكت انا مابحب السياسة ولا حب اجيب نفسي للسؤال غصب عني جوع الفقرا ومرضهم وغصتهم وغضبهم قرصني اضطريت اقول اخ ويا فرحتي بزيادة الوزرا والنواب دفعتني اقول بدي اشارك بالاضراب انشا الله حتى لو وقفوا لي على الباب ...