اسمه الاول  على وزن نرجس نايم تايه وما إله شغله بالمجلس وكرته محروق ودايما مترس واكثر من جنسية متجنس واقع وسهتان مثل العجوز المفلس.

اسمه الثاني من عابس ويفكر حاله ما فيه زيه لابس وبالميدان ما هو فارس .. وما بصلح بواب عمارة ولا حارس .. ودايما خايف وقلبه هاجس .. وما بعرف الزايد من الناقص.. قريب من عمان .. وبتوه بوسط البلد وما بعرف رغدان .. وجهه معبس وما هو ضحكان وبتشوفه غلبان ومع اصحابه علقان وتارك الدنيا وسرحان ومش شايف حاله بشو غرقان .. وما ظنيت يرجع للبرلمان ورايح يطلع على فاشوش هالعشمان. نائب حالي ونفسه يركب فراري وللمفعول بطل ساري وبالقوانين مش داري .. ولا هو كاتب ولا قاري .. ويدعو لربه الباري ما يحلو المجلس الناري.. ويا الله شو اناني وابصر على ايش ناوي ويتمنى يرجع زمن عبدالهادي .. هوه بوادي والناس بوادي .. بفكر حاله بعده شباب وبتعشى كل ليلة كباب وداير بين سقف السيل والسكراب وبالمشاكل بفكر حاله عراب وتحت الدوار قضاها اضراب وعمره ما صلح خراب وطيره المفضل البومه والغراب .. وبلعب على مية حبل زي الجنباز بالالعاب وبلبس معطف بشهر آب وصاحب لحسني الشياب فهل عرفتم هذا يا اولي الالباب..