حيد عن الراس واذرب هاي بقولوها اهل الشمال واني منهم .. ومثل ما تقولوا انا بقول لرئيس وزرائنا الجديد حيد عن الراس واذرب .. ولا تخاف ماد ام انه انت بعيد عن الراس انت بخير.
وانت عارف انه انت اليوم اغلى واحد بعد سيدنا جلالة ابو حسين غالي مش على الشعب، الشعب بعده ما عرف عنك اشي لأنه احنا الشعب بنحب اللي بطعمينا وبسقينا وبشغلنا وبعلمنا ويعطينا رواتب ومعاشات تكفينا احنا واهلنا واولادنا ... عشان هيك هاي وصيتي الك. لا تنسانا لأنه احنا راس مالك حبناالك وراس مالنا احنا الشعب لقمتنا وحياتنا حياة كريمة بدون شحدة ولا بهدله لأنه انت ادرى الناس الحبيبة الك هالأيام المستوزرين اللي قاعدين جنب تلفوناتهم او بطلعوا اشاعات عن اتصالك معاهم عشان يدخلو حكومتك ويصيروا وزراء.
يا فخامة الرئيس يا راعي حكومتنا الشاب زمان كان سمير الرفاعي رئيس وزراء جدك ما بخاف لأنه بحب الأردن وانا متأكد لو انك اخذت من جينات ابوك دولة زيد الرفاعي وجدك سمير الرفاعي اكيد راح تكون ناجح واكيد رايح الشعب يحبك.
اما هظول مسيحة الجوخ المستوزرين اذا ما كانوا قد المسؤولية احلقلهم وانساهم ولازم يصير بحكومتك ثواب وعقاب.
وعلى دلعونا على دلعونا من حبنا الكو لا تحرمونا.